«Дагъистанияв»

Дуда цIар батани Дагъистанияв

Гьеб цIарул берцинлъи цIунизе кола.

Киве мун щваниги, кив вугониги

Кинаб пачалихъалде мун щвананиги.

Дуда цIар букIин лъай, Дагъистанияв

Дир аманат буго дир цIар цIунеян.

цIва гIадаб гвангъараб, гIумру цикIкIине

Гьанже гIолел ругел гьал гIолилазде.

ГIенекке бокьарав, бицинин дица

ТIоцебе гьарула, гьболлъухъ щведал.

Гьедаруге гIемер, гIенекке гьезухъ

Бищунго гьитIинав гьенив ватани.

Мун рокъов вугелъул хIурматги гьабе

Гьесда данде дуца рагIи абуге,

Дуда цIар батани Дагъистанияв

ЦIуне дуца гьеб цIар чоргине течIо.

Бихьараб щинаб жо, бихьухъего те,

РагIараб щинаб жо, рагIухъего те.

Ракълилаб гIумру дуй бокьун батани,

Борхун цIуне дуца дуда тIадаб борч.

Дуда цIар батани Дагъистанияв

Гьеб цIаралъул къимат ьабизе кола

Гьавурай эбелалъ бицунеб мацIги

Мун кив вугониги цIунизе ккола.