10. Физминутка гьабила.

11. Дарсил х1асил гьабила.

12. Къиматал лъела.

13. Рокъобе х1алтIи.

1. Дарсиде хIадурлъи.

Рорч1ами, лъимал! Жакъа нилъер буго рагьараб дарс. Лъица бицинеб щиб нилъеца ц1алун бук1араб араб дарсида? Лъималазул жаваб: «Мивурмавур». Цинги, х1арпал такрар гьарила.

Лъ, т1, ч1, г1, ц1, к1, кь, къ,xl,хь, хъ, гъ,гь.

Лъималазул ц1али гьабила. гьум 128. Мивурмавуралъе нужеца кинаб къимат кьолеб? Гьелъ г1анк1уги т1анч1иги кин хвасар гьарурал? Г1анк1уги т1анчIиги рук1ана бакъалда. Гьеб кинаб лъаг1алил заман кколеб? Рии.

Цоги кинал лъаг1алил заманаби нужеда лъалел?

(ИКТялдасан рихьизарила).

Ц1ияб материал.

А )цеберагIи

Хасел, их, рии, хасалихълъи.

Нужее, лъимал, кинаб лъаг1алил заман бищунго бокьулеб?

Щай бокьулеб? (лъим-зул жаваб)

Ралагьана къватIир, гьанже кинаб лъаг1алил заман бугеб? «Хасел буго»-ян абила лъималаз. БитIун буго. Хасало кинал х1аял нужеца гьарулел? ГIазугун расандизе бегьула, г1азул васик1о гьавула, г1аздада т1ад хъещт1езе бегьула, г1азул гарал речIчIизе бегьула (ИКТ).

Лъимал, гьеб хасалил х1акъалъулъ бицине буго нилъеца жакъасеб дарсида.

Берзул алатал рук1ина доскаялда ран.

Хасалил моц1ал кинал кколел?

Декабрь, январь, февраль.

Хасалил кучIдул кинал лъалел нужеда?

Хасалил т1абиг1ат нужеда цебе кин ч1ун букIунеб?

(ИКТялдасан рихьизарила ва предложениял гIуцIила).

Хасало, лъимал, ц1акъго ц1орон бук1уна.

ТIолго сверухълъиялда кинабго жо хъахIлъун бук1уна. Х1ули г1адаб г1азуца рахчизарун рук1уна гъут1бузул гIаркьалаби, рукъзазул т1охал, муг1рул, свердулеб бук1уна хасалил ц1орораб гьури, лъеда т1ад ц1ер ч1ван бук1уна.

Хасалил праздникал.(ИКТ)

ЦIияб сон, байрам. Баркула нужеда киназдаго 2018 ц1ияб сон! Нужее кинаб праздник бокьулеб?

Лъималазул жаваб тIалаб гьабила.

Исанасеб ц1ияб сон бугогьойдул.Заманги бицунеб кIихIатIилаб сагIат. (Х1елеко)

Хасало г1адамал (ИКТ)

ГIадамаз хасало рет1уна хинаб рет1ел. Рукъзабахъ пучдул ракун хинлъи гьабула. Хасалил цIороялъукьа гIадамал хIинкъуларо. ГIазугун расандула, цIорода тIад хъещт1ола. Г1азул бат1и-бат1иял жал гьарула. ЦIер лъугьинабун г1азул машинаби гьарула, минаби гьарула, нужеда, лъимал, телевизоралдасаги рихьун ратила.

Хасало хIанчIи (ИКТ)

Нилъер анир хасало кина-кинал хIанч1и рук1унел, лъимал?

Къудкул, маккал, гъудул, гъот1орк1аби, чаргъеду. Хасало хIанч1азе кваназе жо дагьлъула. Гьединлъидал, хIанчIи нилъер рукъзабазде аск1оре жидеего кваназе жо балагьизе рач1унел. Нужеца, лъимал, гьезие бакъараб чед кьун, кормушкаби гьарун, гъот1ода скворечникал ран,xlaнчIи ц1унизе ккола.XIaнчIи нилъер гьудулзаби ккола. ХIанч1и гьеч1они нилъее пихъ кваназе щоларо, щайин абуни, х1анч1аз гъутIбузда балеб хIапараби кванала.

Хасало х1айванал (ИКТ)

Хасало рукъалъул х1айванал рукIуна хинал бокьор. ГIадамаз рагIи-херги х1адур гьабун гьезул кумекалдалъун бет1ер бахъи гьабулел. ГIалхул х1айваназ жидецаго бет1ербахъи гьабула. Хасало гIалхул х1айванал ратизе к1ола г1аздада т1ад гьарурал лъалк1азухъ балагьун. Хаселалъ кьижун кинаб х1айван бук1унеб? Ци бук1уна. Гьелъул нахърател буго жиндирго кьаралъи. Г1анк1ица жиндирго хъах1аб рет1ел рет1уна т1ад.

Дарсида физминутка гьабила.

Цо абидал эхеде, рорхе кверал киназго.

Ай лазат, вай лазат, гьай лазат.

Свак чучизе, черх битIизе,

чундул гIадин, сах рук1ине.

Ай лазат, вай лазат, гьай лазат.

Свак чучана, черх бит1ана.

Чундул гIадин сах рук1ина.

Ай лазат, вай лазат, гьай лазат.

Словарияб х1алт1и ( доскаялда хъвала.)

Г1иц1ал - голые.

Гъин - падать.

Юргъачу - лошадь.

Квелъ - уздечка.

Лъимал, дица, нужее ц1ализе буго Р.ХIамзатовас хъвараб «Хасел» абураб кечI. Щив кколев Р.ХIамзатов? Р.ХIамзатов ккола лъимал, машгьурав поэт, раг1ул устар. (ИКТялдасан рихьизарила суратал).

Гьев гьавуна Хунзахъ районалъул Ц1ада росулъ. Гьес лъималазе хъвана гIемерал кучIдул ва харбал. А.С.Пушкиница хъварал куч1дул ва харбал ц1аланищ ножое учительницаялъ? Гьев вугоха гIурусазул поэт. Р.ХIамзатов ккола магIарулазул поэт. (тIахьазул выставка бук1ина доскаялда лъун). Жеги нуж к1удиял г1уралг1ан лъала ножода жеги цIикIкIун Р.Х1амзатовасул х1акъалъулъ. Нилъеца дарсида рик1к1уна гьес хъвараб кечI, физминутка гьабун.

Щуго килищ, цох1о квер.

Босе, гьудул, босе гьаб.

Щуго килищ, цох1о зар.

Босе тушман, босе гьаб.

ГIенеккеха, гьанже дица нужее ц1алила. Р.ХIамзатовасул «Хасел» абураб кечI.

Учителалъул ц1али гьабила.

Лъималазул ц1али гьабила.

1. paxacгьабун ц1алила.

2. учительницагун цадахъ ц1алила.

Гьури бахъараб заманалда лъималазул кинаб х1ал бук1араб? Гьаб коч1олъ хасалил гьури релълъинабун буго квелъ бахъун биччараб юргъачуялда. Лъимал, нуж х1инкъулищ хасалил гьородаса?

Лъималазул жаваб.

Бицанк1аби кьела ч1вазе.

1. Авлахъалда рет1араб хъах1аб буртина?(г1азу)

2. Къот1ноб мег1ерлъун бук1унеб, рокъоб жаниб х1орлъун лъугьунеб жо щиб? (г1азу)

3. ТIохдаса гъоркье далараб ц1ц1ел мегеж щиб? (ц1унк1улук1.)

4. Риидал кьарияб, (хасало) кьиндал х1алакъаб? (гъветI)

Ц1ияб даре щула гьаби.

Лъималаз хасалиде гьарурал куч1дул рик1к1ина.

«Лъималазе х асел хирияб буго» (2ц1алдохъанас.)

«ГIазу балеб буго» (2 ц1алдохъанас)

Тарбияб рахъ.

ГIаздаца лъимал, ракьуе хинлъиги регьелги кьола. Хасало нуж квачазе ч1езе бегьуларо. ТIад хинаб рет1ел рет1ине ккола. Хасел, г1азу абураб рагIабиги гьоркьоре ккезарун предложениял хъвазе кьела тетрадазда. Слогазде бикьун хъвазе кьела ха-сел, г1а-зу.

Кици (доскаялда хъвала). Хасалица хасалил г1амал гьабураб лъик1аб_,рииялъ роол г1амал гьабураб лъик1аб» . Заман т1ок1лъани кеч1 ах1ила дарсида.P.XI. «МагIарулал»

Дарсил хIасил гьабила.

1. Жакъасеб даре бокьанищ, лъимал, нужее?

2. Сундул х1акъалъулъ нилъеца жакъасеб дарсида бицараб? Хасалил х1акъалъулъ.

3. Хасалил гьури сунда релълъинабун бугеб?

4. Гьури бахъараб заманалда лъималазда кинаб х1ал бук1араб?

5. Кроссворд.

Лъималазекъиматал лъела.

Рокъобе х1алт1и кьела.

Хасалил х1акъалъулъ бицине лъазе.